Ensaladang Mangga

Ang ensaladang mangga ay sadyang napakasarap na pagkaing pinoy.

Gawa ito sa pinaghalong sariwang mangga, sibuyas, kamatis at bagoong.

Ang pinakagusto ko sa ensaladang mangga ay hindi na ito kailangan pang lutuin. Ang kailangan lang ay masipag kang maghiwa ng sangkap at paghaluin ito ng may halong inspirasyon.

Tingnan mo itong mga larawan na ito. Hindi ka ba natatakam?

Halina at kumain tayo. Sarap!

Ano ang Tagalog ng Calculator?

Mga ilang taon na rin ang nakalipas ng madiskubre ko na ang salitang "keyboard" (yung ginagamit mo habang nasa harap ka ng computer upang magsulat) ay may katumbas na sa salitang espanyol.

Ito ay "teklado"

Nakakatuwa lang isipin. Meron din kaya itong salitang tagalog? Parang wala 'no?

Subalit sa aking pagsasaliksik sa pamamagitan ng google - teklado din pala ang isa sa tagalog na salita nito.

Marahil kasi di ba marami sa mga salita natin pinagmulan ay sa mga kastila. Nahubog na lang at ginawang atin

Minsan kung tawagin din at tipaan o tipahaan. 

Subalit wala naman nagsasabi ng teklado. Madalas, keyboard pa rin ang salitang gamit.

Kalkulador

Dito nahirapan ako, at sa pagsasaliksik ko eh parang ayaw kong maniwala.

Ang minumungkajing tagalog na salita ng calculator ay ang mgga sumusunod:

Talapindutan

Talatuusan

Talanumerohan

Kalkulang suma suma

Kalkulador

Ano sa tingin nyo?

Traffic Sa Edsa

EDSA - marahil isa na itong imprastraktyura sa atin na hindi lang daanan ng mga sasakyan, bagkus ay saksi at bahagi na ng ating kasaysayan. (Naaalala mo ba ang EDSA People Power?)

Kung noon, naging bahagi ito sa pagbukas ng bagong yugto sa ating pamahalaan.

Ngayon naman, ayaw mong maipit dito sa trapik.

Dahil ang dating 30 minutos na byahe ngayon ay madalas umaabot ng dalawang oras, o higit pa!

Kung ikaw ay may sasakyan, hehe, ihanda ang mo iyong pitaka, dahil sigurado ubos ang iyong kwarta sa gasolina.

Bakit nga ba napaka-trapik?

Ay naku! Napakaraming dahilan. 

At hayaan nyo ako magbigay ng ilang kuru-kuro sa usaping ito

Una. Hindi pagsunod sa batas. 

Isa tayong bansa na marami sa atin ay ayaw sumonod sa batas at ayaw din magpasakop sa gubyerno. Halimbawa. Sa kanto na may traffic light, hindi ba kapag pula ang ilaw, e dapat hihinto? Nakakalungkot man, pero marami sa ating mga kababayang motorista ang sumusuway dito. Lalo na kung walang nakabantay na pulis trapiko.

Pag dating sa EDSA, pansinin mo sa susunod na dadaan ka dito. May makikita kang yellow line. Ito ay nagsisilbing paghahati sa pribado at publikong sasakyan. Mananatili sa kaliwa ang mga pribado at sa kanan naman ang mga pampublikong sasakyan gaya ng mga bus. Tama ka sa iniisip mo. Sinusuway din ito, lalo na ng mga malalaking bus.

Bukas ko na isusulat yung mga iba pang mga dahilan kung bakit ang EDSA ay nagiging isang malaking parking lot. Balik ka dito okay?

Mga Bagong Bayani

Sila ay mga bisyonaryo nangangarap ng masaganang kinabukasan. Sila ay taga-tangkilik ng pagbabago na para sa iba ay suntok sa buwan. Sila ang mga bagong bayaning magsusulong ng First World Philippines laban sa hirap at kawalang pag-asa ng marami.

Sila ang henerasyon ng mga tagapagtaguyod ng Bagong Pilipinas.

Gusto mo bang sumama?

Kodakan

Tumitigil ang mundo. Sumasama sa gulo. Gulong hindi masama. Kundi kulitan at masaya.

 Halika ka na at sumama.

 Kodakan na!

Presentasyon

Sa alin mang bagay, basta maganda sa presentasyon, ito ay mangingibabaw.

Nang nakaraang linggo, isang oras bago mananghalian, naantig ang damdamin ng mga manonood sa isang palabas na sa Subic karaniwan matatagpuan. Isang aeta ay kinagiliwan ng mga bakasyunista nagmula sa Maynila sa pagpapakita kung paano lumikha ng apoy, kung sakaling ang isa ay maligaw sa gubat.

Syempre hindi ko na sasabihin kung paano, ang konsepto lang naman ay pagkikiskis ng tuyong kawayan hanggang uminit at maging apoy.

Ang nakakasayang eksena lang ay makitang pagkakaroon ng komunikasyon sa pagitan ng mga karaniwan at katutubong Pilipino. Laki ako sa syudad ng Angeles at sa hindi kalayuan nito sa Zambales, marami ng pagkakataon na nakita ko sila. Madalas hindi maganda ang pakikitungo natin. Ipinagwawalang bahala at ang iba ay pinandidirihan pa.

Sa kanilang lahi makikita ang katutubong Pilipino. Kaya natutuwa ako sa ganung okasyon. Sana balang araw, maging 'malaya' rin silang namumuhay gaya natin.

Kamote

Sa panahon ng krisis sa bigas, marami ang tiyak na magugutom. Lalo na yung mga mahihirap na walang pambili sa nagtataasan presyo nito.

Sa panahon ng krisis, may obligasyon bawat isang makibahagi at tumulong masugpo ang isyung ating kinakaharap ngayon. At heto ang aking munting suhestiyon na pwedeng ipampalit sa bigas: kamote.

Natural at walang kolesterol na nakakasama sa katawan at kung tutuusin mapapakinabangan ito ng husto mula dahon hanggang ugat na pwedeng ilaga o di kaya iprito para magingkamote que. Ang tangkay nito ay paborito kong kainin. Itapat mo lang sa umuusok na kaldero at pwede ng ihain kasama ang bagoong o kaya alamang para sa masarap na pananghalian.

May kasabihan nakapagbibigay ang kamote ng sobrang hangin at lumalabas ito sa ating katawan bilang utot. Subalit naniniwala akong may sustansya pa rin itong taglay tulad ng bigas. Kaya mga kapatid, kung may bakanteng lupa sa inyong likuran, itanim lang ang tangkay nito at diligan. Sigurado sa paglipas ng ilang araw at linggo, meron ka ng masarap na ulam

Tatlung Sulok at Ang Mukha

Sa pagnanais na makatagpo ng paksang magpapahiwatig ng tatsulok, panay buntong hininga lang ang naging kinahinatnan ng aking pagsasaliksik sa munting espasyo ko dito sa inuupang bahay. Wala. Puro mga kuwadrado at bilog at mga iregular na hugis lang ang makikita.

Kaya napaupo na lang ako sa silya kong kahoy at nagisip. Ang aking kaliwang kamay ay tangan ang aking baba samantalang nakaposisyon naman ang kanan hawak ang kaliwang siko. Tsaka biglang bumulagta sa akin ang isang ideya.

Bakit hindi ko na lang itatsulok ang mukha sa pamamagitan ng aking kamay. At eto ang naging resulta. Ikinabit ko sa tripod ang kamera at nagbakasaling makakuha ng magandang angulo gamit ang remote controller. Maraming nasayang na film baterya, at sa dami na ng pindot ang nagawa ko, wala pa rin maayos na kinalabasan. Subalit, sadyang may pasensya ang inyong aba. At sinubukan pilit makalikha ng kaaya-ayang larawan swak sa inyong panlasa.

Sana po ay maibigan nyo.

Kabilugan ng Buwan

Maglalathala sana ako ng retrato ng mga barya, sapagkat ito'y pisikal na halimbawa ng bilog, para sa lingguhang showcase ng mga retratong likha ng ..::ehem::.. sino pa eh 'di mga Pinoy! Subalit may nauna na pala sa akin, si kapatid na iRonnie kaya naisip kong baguhin na lang ang aking ilalahok. Naghalungkat ako sa baul ng aking mga nakuhanang retrato sapagkat mauubos na ang oras ng Huwebes, hindi na ako makakapagpiktyur pa at malamang hindi ko maipasok itong lathalaing kong ito. Sa tuwing huwebes po kasi lumalabas ang mga naggagandahang retrato sa Litratong Pinoy. Sa katunayan, ngayon ika-3 ng Abril ang simula ng adhikaing ito.

Sa aking paghahanap, wala ng ibang mas angkop pa kundi ang larawan ko ng buwan nung mahal na araw. Ayan sya. Bilog na bilog. Gamit ang aking manuwal at matanda-pa-sa-akin lente, sinikap kong makuhanan sya ng naka-hawak kamay lamang at hindi ginamitan ng tripod.

Napakabilog at napakaganda ng buwan sa retratong ito (sa tingin ko ha hehehe). Sumilip ako sa bintana kanina bago ko isulat ito, at ni balangkas ng katabing bahay ay 'di ko maaninag sa sobrang dilim. Nagtatago na kasi ang buwan. Wala na sya at marahil nasa kabilang parte ng daigdig, at doon nagbibigay ng liwanag sa dilim.

Nakakatuwang basahin ang iba't ibang retratong ipinakita ng kapwa ko retratista sa Litratong Pinoy. Subalit maliit pa lang -- kung tutuusin -- ang bilang namin, masayang isipin na ito ay simula ng pagbabahaginan namin sa isa't isa ng ideya, konsepto, kaisipan, at higit sa lahat, pagkakaibigan.

Kahel

Alam mo ba ang salitang tagalog ng Orange?

Tama ka! Ang pamagat ng ipinaskil kong retrato para sa araw na ito ang aking tinutukoy.

Sardinas

Matutunton itong pagkaing ito sa syudad ng Dipolog sa Zamboanga. Napakasagana talaga ng bansa natin pagdating sa mga pagkain. Bawat probinsya ay meron kani-kaniyang ipinagmamalaki. Ang Zamboanga ay napaliligiran ng dagat kaya likas lang na ang pangunahing pinagkukunan nila ng pagkain syempre sa dagat.

May anghang at may sarap ang spanish-style na sardinas na ito. Naka-garapon imbes na lata, tiyak na selyado ang sariwang bango ng isda. Ubos na ang isang ito nung maisipan kong retratuhin kaya kung mapapabanda ka sa Dipolog, 'wag mo kalimutan tikman at magbitbit sa iyong pagbabalik.

Silbi ng Bubong

Kapag naiinip ako sa bahay, dumudungaw ako sa bintana, magmamasid at makikinig sa kanilang mga huni.

Katakam-takam

Panahon ng tag-araw ay panahon ng pagsibol ng mga punong-kahoy na namumunga. Magiging sagana ulit ang mga palengke sa makukulay na prutas tulad ng santol, mangga, at bayabas.

Abot-Tanaw

Madalas, ito ang saksi sa paguulayaw at matamis na oras ng magsing-irog sa gabing maliwanag. Tampulan din ito ng sisi ng mga nakakaranas ng mga pagsubok at hindi malampasang mga problema.

Kung ako siguro ang buwan, kilala ko na lahat ng tao. Andyan lang sya, hindi sya nawawala. Nagbibigay liwanag sa madilim na gabi. Nakikinig sa mga hinaing ng lasing.

Diskarte

Kung kaya ng hayop magawa ang mga bagay na kung titingnan mo ay imposible, tayo pa kayang mga tao na ipinagkalooban ng malikhain at malawak na pag-iisip ay hindi malalampasan ang mga balakid sa ating mga daan?

Adik

Ang salitang ito ay pang-uri na karaniwang isinasalaysay ang masamang kaisipan. Kapag tinawag kang "adik", alipin ka ng isang bagay, tao o maging ng imahinasyon, na maaring ikinasasama ng kalusugan, kaisipan o buhay.

Sa malikhaing pagiisip ng mga kompositor, tulad ng bandang Rivermaya, may awitin silang pinamagatang "Adik sa 'yo". Marahil napapaindak na ang iyong pagiisip at pumapadyak na ang iyong mga paa sa saliw ng musika ng Rivermaya, lalo na nung orihinal na pangkat pa sila.

Ito rin ang kinasasadlakan ko ngayon. Adik ako. Adik ako sa paghuli ng mga larawan na malalayo.

Kaya eto. Meron akong bagong kinalolokohan.

Paru-Paro

Isa sa mga pinakamagandang lumilipad na hayop ay ang paru-paro.

May puno ng santol sa likod ng aming bahay na binahayan noon ng mga uod sinlaki ng ordinaryong hotdog. Sa murang edad ko noon ay sinunog namin ang mga ito dahil tinadtad at inubos nila ng dahon ng puno.

Lingid sa aking kaalaman na sila'y mga natatanging uod na sa paglipas ng ilang araw, ibabalot ang sarili sa hinabing cocoon at uusbong ng may maladiyosang kagandahan at lilipad sa ere bilang paru-paro.

Bayanihan

Likas sa ating mga Pinoy ang tulungan ang isa't isa. Sa larawang ito, inililigpit ng mga namamahala ng isang lobong pinalilipad sa pamamagitan ng mainit na hangin ang kanilang gamit. Hindi nakalipad ang lobo dahil sa sobrang lakas ng hangin sa umaga. Sayang dahil hindi ko nasaksihan ang paglipad ng mga higanteng lobo sa dating base ng US, sa Clark, Angeles City.

Babalik na lang ako sa Enero ng susunod na taon.

Daig ng Maagap ang Masikap

Ito'y isang halimbawa ng tiyaga.

Bakante

Sa mata ng negosyante, masakit sa matang makita ang nilalangaw na tindahan, tahimik na resto at matumal ang benta